بوحاجب

عيلة بوحاجب من "أعرق" العايلات التونسية... نحب نقول معناها عايلة جابت شخصيات معروفة... مثلا الشيخ سالم بوحاجب من شيوخ الدين إلي يتصنف عادة من بين المصلحين التوانسة المعروفين... يتسمى من الشخصيات "المخضرمة" يعني إلي عاصرو أكثر من جيل: برز في آخر القرن تسعطاش و أول القرن العشرين مع الجنرال خير الدين و خلط على الشيخ عبد العزيز الثعالبي مؤسس الحركة الوطنية (هاو موقع خاص بالشيخ سالم بوحاجب... موقع متاع إنترنت يا سي عمار بوحاجب متاع سي بوحاجب إلي هو ناس ملاح)..... فمة زادة سي حسين بوحاجب إلي هو ولد الشيخ سالم بوحاجب... الشيخ سالم بالمناسبة كان من بين التوانسة الأوائل إلي يفرقو بين الحفاظ على هويتهم الوطنية و الاستفادة من التقدم متاع فرانسا و هذاكة علاش بعث ولدو حسين بش قرى الطب في فرانسا (فمة سي عمار بوحاجب صفحة خاصة في الانترنت على سي حسين... إلي هو زادة ناس ملاح...)
إي عادة نحب نقول راهي عيلة بوحاجب ناس ملاح.... إي قتلي سي عمار شنية أحوالك؟