الجمعة، 27 جوان، 2008

عمار... تمشيشي تسمع كلام ويروولف و تهردنا في البلوقسبوت؟


أك النهار شدني على جنب الملتحق حديثا بالتدوين ويروولف و قالي "أسمع هاني نصحتو ينحي علينا البنقة هذية متاع البلوقسبوت و خلي نرتاحو جملة من موضوع "حجب المدونات"".... "تي يا آخي أحنا خير من الباكستان و إلا سوريا؟!" قالي الويروولف.

باهي أنا نعرف الويروولف ما يحبناش الخير المدونين بعدها السيد نهايتو لاهو مدون لا يحزنون.... أما توة إنت، يا عمار الناس ملاح، بش تقطع خبزتك و البريمات و تنحيه فرد مرة "البلوق سبوت"؟! تمشيشي تعملها العملة؟!

العمارات إلي عملوها العملة هذية (هنا و هنا و هنا) أهوكة توة يعانيو من الغلاء... تي هو توة وقتهم البريمات.... في عوض تاخذهم مرة برك على موقع واحد (البلوقسبوت) تبدى تقسط فيهم البريمات بالمدونة بالمدونة...

أية عادة ما تقوليش مازلت ما مشيتش تصيف؟ راهو عيب في هل الشهيلي و مازلت تخمم بش تصيف و إلا لا؟!


هناك تعليقان (2):

Werewolf يقول...

ههههه
يتولاك يا طارق
:)))

Bel Malwene يقول...

ههههههههههههه
اله يهديك !! يا ويروولف في هالطلعة !!! بربي كان تجد عليه و تعجبو الحكاية !! اش عملنا و جا مليح !!!!!! هههههه