السبت، 21 جوان، 2008

عمار متاع لخرين

عمار كائن عالمي... أما في كل بلاد ياخذ سينة مختلفة شوية و برة



لهنا في الامارات



و هنا في إيران



في قطر



في تايلندا يا بمبك







أما أقوى عمار بدون منازع فهو متاع الشناوة... شي كبير... أببب... ملا عمار متاع الشناوة... تي الراجل قوقل و مايكروسفت و الياهو يخدمو عندو... قالك تبدى تكتب في إيمايل يطلعلك يقولك: سامحني يعيش ولدي الكلام هذا ما يجيش....

لا هذا عيب... طلعنا على مراد الله... كان في بالي إلي "قمنا بأشواط حثيثة على درب الريادة و التألق" في الشؤون العمارية... و حققنا التنمية المستديمة... آخي شي... طلعنا على مراد الله... تفرج أك الشبوبية و التصاميم الخارقة للعادة متاع الشناوة و لخرين... و القدرات الجهنمية متاع عمار متاعهم.... و زيد الشفافية: يقولك بالعربي عيني عينك: سامحني ما عندكش الحق تدخل...

هناك تعليق واحد:

Werewolf يقول...

عاد انتي نسيت أهم حاجة يا طارق و هو أنو عمار متاعهم ممكن التواصل معاه و يعطيك المايل متاعو زادة... عمار متاعنا ما يحبش الدلال... يقص الموقع و يتعدى