علاقتي مع عمار علاقة قديمة وتاريخية ملي انا طفل صغير نلعب بالتربولات والزربوط وحبيت في هالتدوينة هاذي نعرج على برشة نقاط في العلاقة هاذي ونوضح شوية امور
تسميته
عمار اول مرة نطقت بيها كان عمري 12سنة ههههههه كيما تشوفو خوكم عمار يتبع فيا ملي عمري 12سنة يقول القايل لواه سميتو عمار
الحكاية كونو في الحومة واحنا صغار كان عنا حشاكم مواطن رقيب اسمو عمار وعندي الوالد الله يطول في عمرو زيتوني ومغروم بالفصحى برشة عادا يقللنا حاذرو من الرقيب واجعلو في افواهكم حصى و انتم تحاورونه
عادا من وقتها ولينا وين نسمعو رقابة نقولو عمار هد
علاقتي مع عمار
علاقتي مع عمار كانت علاقة كراهية ونتصور متبادلة وبدات من ايام فرنس 2 قبل ما يجي البرابول وغيرو وقت الي كانت تجي قبلة بريئة السيد يدخل ويحرمنا _الله يحرمو من الجنة _من اكتشاف احلى لحظات الانتصار الانساني ويحرم علينا حلاقات مجانية في التكوين في الصحة الانجابية وهكاكة سي عمار خلانا زكرم بكرم نعومو في الشايح
ومن بعد ناب ربي بالبرابول و الانترنات وعدينا مدة من الزمان نسينا فيها عمار و المقص متاعو وبدينا نحسو بالسلام و العيش الكريم لكن سي عمار كون عصابة وانتصب لحسابو الخاص وعمل جمعية متع رقابة وهو نهار كامل يحوص كات كات متاعو ويرفع فيها عاري ولابس
سبل التصدي لعمار
العملية ساهلة كيما قال ابو الناظم المدونة الي تتسكر الناس الكل نعاودو ننشرو البوست الي تسكرت على خاطرو وقتها سي عمار عجالي كات كات متاعو تتفش و ميلقى مايعمل سينون يمشي سكر قفصة جملة وهذا مستبعد
تسميته
عمار اول مرة نطقت بيها كان عمري 12سنة ههههههه كيما تشوفو خوكم عمار يتبع فيا ملي عمري 12سنة يقول القايل لواه سميتو عمار
الحكاية كونو في الحومة واحنا صغار كان عنا حشاكم مواطن رقيب اسمو عمار وعندي الوالد الله يطول في عمرو زيتوني ومغروم بالفصحى برشة عادا يقللنا حاذرو من الرقيب واجعلو في افواهكم حصى و انتم تحاورونه
عادا من وقتها ولينا وين نسمعو رقابة نقولو عمار هد
علاقتي مع عمار
علاقتي مع عمار كانت علاقة كراهية ونتصور متبادلة وبدات من ايام فرنس 2 قبل ما يجي البرابول وغيرو وقت الي كانت تجي قبلة بريئة السيد يدخل ويحرمنا _الله يحرمو من الجنة _من اكتشاف احلى لحظات الانتصار الانساني ويحرم علينا حلاقات مجانية في التكوين في الصحة الانجابية وهكاكة سي عمار خلانا زكرم بكرم نعومو في الشايح
ومن بعد ناب ربي بالبرابول و الانترنات وعدينا مدة من الزمان نسينا فيها عمار و المقص متاعو وبدينا نحسو بالسلام و العيش الكريم لكن سي عمار كون عصابة وانتصب لحسابو الخاص وعمل جمعية متع رقابة وهو نهار كامل يحوص كات كات متاعو ويرفع فيها عاري ولابس
سبل التصدي لعمار
العملية ساهلة كيما قال ابو الناظم المدونة الي تتسكر الناس الكل نعاودو ننشرو البوست الي تسكرت على خاطرو وقتها سي عمار عجالي كات كات متاعو تتفش و ميلقى مايعمل سينون يمشي سكر قفصة جملة وهذا مستبعد
هناك تعليق واحد:
يعطيك الصحة...انتي توة حلّيت اللغز متاع شكون سمّاه... و بالتالي ما ثمة حتى فائز في
الكويز
اللي لَنصيتو في مدونة القوفرنور...على كل نحتفظو بالجايزة لفرصة أخرى
إرسال تعليق