الأحد، 22 جوان، 2008

من شطحات عمار الصيني...الأب الروحي لكل العمامير

ماللي جات ثورة الانترنات فالعالم و الناس الكل تحكي على عمار الصيني و جبروتو.و تحكي زادة عالجلم XXL ا لي عندو(بالطبيعة هو عندو1.200.000.000ضحية و لذا فهو وعمارنا ماهمش فرد عبار).
الحاصيلو سي عمار بينغ ـ بونغ قالك حاربها الدنيا و يا سيدك بن سيدي عندو غوغل و ياهوو تحت ذمتو...و قيل زادة اللي صاحبنا مرة هدد غوغل بالمقص...ياخي غوغل ما نجمش يسيب هالحرفاء الكل و خدم الجلم متاعو عال ONG اللي تتناول حقوق الانسان غادي و ولى سي ياهوو يعطي في تقرير مفصل عن كل الايمايلات اللي تدور بين ''نشطاء المجنتمع المدني''(تعجبني الكلمة هاذي).وهاو هنا السي ـ في متاع خونا و قولولي كان يذكركم في شكون...
ايا عادة نهار ماالنهارات،سي الاصفر في بيروه يلقى موقع تهكم عالحزب الشيوعي الصيني...كيفاش؟؟؟هو يصير؟؟؟تراث ماو تسيدونغ يتشلك و يولي تكركيرة.
اش يعمل الفرضاوي...يقوم يبدل البروتوكول و يولي اللي يلوج عالسيت يجي في السيت متاع الحزب الحقاني...
يا خويا ملا لعب و ملا هو....تي ماو خوذ عليه شوية تكتيك...عوضلنا الموقف بالحدث و الحوار بحنبعل...و فري رايس بنزار الشعري ههههههههههههه
ايا علئ خير...


ليست هناك تعليقات: