الثلاثاء، 1 جويلية، 2008

ملا عمار الصين... بمناسبة 1 جويلية نقولك شابو


قبيلة قريت العمود الأسبوعي متاع الصديقة نهى عاطف في صحيفة "العرب" القطرية حول المدونات (الصفحة 24 هنا)... عمار الصين شي عظيم بصراحة... أنا نقفلو بكل إجلال و إحترام... السيد مبرك على الأقل 17 مليون (إذا كان مش الدوبل) مدون على ركايبهم... بالله تأملو في الرقم هذاية... فمة ناس تغلط ساعات و تقول تونس تجي "حومة" في الصين... أنا نقول تجي "بيت بانو"... آش من حومة... كان المدونين بركة يقربو لضعف الشعب التونسي؟

عمار توة حاير فينا كعبتين نحنا؟! أية أخرج من "بيت البانو" و برة صيف و بالك مرتاح...


هناك تعليقان (2):

أرابيـكا يقول...

علاش يا طارق هكة تحلو في عينية عمارنا راك اى لنفرض الله ما عافينا عمارنا مشى عمل ستاج مدفوع الاجر في الصين تى ماهى تهردت عاد ويروح يقيم علينا الحد الناس الكل وبالقانون الله يهديك انشاء الله ما يفيقش بزميلو الصيني وبره

Werewolf يقول...

أنا زادة خايف لا تولّي صحة أبدان و شكون العمّار اللي أرجل من الآخر، حاشاك عمّار عاد تمشيش تتغشش
:)