الجمعة، 31 أكتوبر 2008
الأربعاء، 29 أكتوبر 2008
حاول عدد من الصحفيين يقودهم أصحاب السيارات العمومية والمدعومين.... الانقلاب على النقابة الوطنية للصحفيين التونسيين وذلك أثناء اجتماع المكتب التنفيذي الموسّع عندما حاولوا تنصيب رئيس للجلسة عوضا عن رئيسها الشرعي وعندما رفضوا الانصياع لقوانين المنظمة وأحدثوا حالة ارباك وهرسلة لبعض الزملاء الصادقين وقد تصدّى لهم الصحافيون الى حدود العاشرة والنصف ليلا، وقد اصدرت النقابة بيان للراي العام توضذح فيه خلفيات ماجرى كما تمّت ادانة المحاولة بالاجماع من المكتب التنفيذي وتمّ تسجيل ذلك بكرّاس المحاضر. وسوف اوافيكم لا حقا بكلّ التفاصيل
نقلا عن تقرير صدر من رويترز و نشرتو بعض المواقع الاخبارية (هنا)... شريط يستحق التشجيع و إعادة المشاهدة في إطار مهرجان قرطاج و بعد مهرجان قرطاج من قبل التوانسة... هذاية مؤشر إيجابي يوري أنو السينمائيين الشبان (في الحالة هذية محمد علي النهدي) يحبو يعبرو على موقف فاعل و عندو تأثير... الشريط القصير هذا يبدو أنو رد فعل على عملية حجب جرات بالفعل على سيناريو شريط سينمائي...
الثلاثاء، 28 أكتوبر 2008
ونس في 27 أكتوبر 2008
بيـــــــــــان
أمام إحالة جريدة مواطنون على القضاء بسبب مقال رأي نشرته في عددها 77 بتاريخ 22 أكتوبر 2008، وبعد ما لاحظته النقابة الوطنية للصحفيين التونسيين من إغلاق الموقع الالكتروني للفدرالية الدولية للصحفيين ( Fij ) إثر إعادة فتحه أثناء مؤتمر النقابة بتاريخ 13 جانفي 2008، وإغلاق بعض المدونات الالكترونية فإن المكتب التنفيذي يؤكد ما يلي:
- رفضه المبدئي لمحاكمة الرأي وتجريمه ومطالبته بوقف تتبع جريدة "مواطنون"، ويذكّر المكتب بموقفه إزاء ضرورة إلغاء عقوبة السجن من مجلة الصحافة وإنهاء كافة محاكمات الرأي مع دعوة الجميع إلى الالتزام بأخلاقيات المهنة الصحفية.
- إدانته لإعادة إغلاق موقع الفدرالية الدولية للصحفيين الالكتروني ( FIJ ) بعد ما استبشر الصحفيون قرار فتحه في تونس أثناء مؤتمر نقابتهم.
- إدانته ضرب وغلق بعض المدونات الإلكترونية ومن بينها مدونة الزميل زياد الهاني.
- الدفاع عن ضرورة توسيع هامش الحرية في شتى وسائل الإعلام المختلفة، ورفض النقابة لكافة أشكال حجب المواقع الالكترونية التي تعبر عن حرية الرأي والتفكير.
عن المكتب التنفيذي
الرئيس
ناجي البغوري
الاثنين، 27 أكتوبر 2008
يا عمار 404، يا قاتل الروح وين تروح؟
بطلب من صديقي المدوّن شهاب سأنشر تباعا عدد من التقنيات المبسطة لكيفية التغلب على جهاز الرقابة، فالسيد عمار 404 لا يعلم على ما يبدو، أنه اللي يسرق يغلب لليحاحي.
في التدوينة الأولى أعرض عليكم كيفية اختيار التقنية المناسبة لتفادي الرقابة (أي كيف تصنع بروكسي Proxy لفتح المواقع المغلقة)، في انتظار الأسبوع المقبل الذي سأنشر أثناءه نصا حول كيفية التدوين مع المحافظة على المجهولية (أي كيف تفتح مدونة وتكتب اللي تحب ويخرالك فيه عمار الرقيب).
أما في الأسبوع الموالي فسيكون حول كيفية استعمال logiciel قادر على محو الملفات من على حاسوبك حذفا نهائيا لأن إفراغ la corbeille لا يعني أنك تخلصت نهائيا من الملف. أما بالنسبة للأسبوع الذي سيليه فسأنشر كتيبا آخر حول طرق التعمية وإخفاء المعلومات والملفات الموجودة على حاسوبك بحيث لا يستطيع الاطلاع عليها إلا الأشخاص المعنيون (معناها كي يجو يفركسو في الجهاز متاعك ما يلقاو شي في حين انتي عندك ملفات موجودة). بينما في الأسبوع الموالي له مباشرة سأنشر كراسا حول كيفية حماية كلمات السر التي تستعملها سواء في الانترنت أو على حاسبوك حماية نهائية.
ثم أنشر كتيبا في كيفية إنشاء علبة بريد الكتروني محمية من التجسس ويحفظ سرية مراسلاتك. قبل أن أختم في الأسبوع الأخير هذه السلسلة بنشر كتيب حول كيفية الولوج والدخول إلى المواقع الكترونية من دون أن يعلم عمار 404 بذلك (يعني من غير لا يفيق بيك).
أهوكا درس لجميع المدونين، هذا مع العلم أنه حتى لو قرأ عمار 404 هذه الدروس فإنه ما عندو ما يعمل على خاطر هالشي الي باش نعطيهولكم أقوى منو.
آش قتلك يا عمار الرقيب يا إما أنا يا إنتي في هاالبلاد.
الأحد، 26 أكتوبر 2008
بعد ما نال جائزة المقص الذهبي والصنف الأول من جلم الجمهورية البنفسجية في مجال الطّهارة العربي على الشبكة العنكبوتية عن جدارة وإستحقاق، يتحفنا العزيز والرّائع عمّار بضربة مقصية جديدة تعبّر عن المخزون الفنّي متاعو الهائل في مجال "العسّة و التنسنيس و تطنيش الوذان وتبحليق العيون" على كل ما يدور على "الإر...تر...نات".
آخر طلعة من طلعات عمّار يا جماعة هي عبارة عن نظام متطور للتوثيق، المتابعة و تقصّي الأثر يستهدف جميع روّاد حوانت "الإر...تر...نات" في ربوع بلاد البنفسج. يقول القائل كيفاش ؟
خوكم خميّس باندي واللّي كان في مهمة سريّة بتكليف خاصّ من صاحبة الجلالة للاّ الفكرونة، تمكّن من إختراق عصابة عمّار والأربعين طهّار و حضر إحدى آخر إجتماعاتها و رجعلكم بتقرير يوافيكم فيه بأهم ما جاء في تدخل صاحب المقصّ رقم 1.
" إسمعوني مليح يا جماعة ! في عوض باش اللي يجي واللّي ما يسواش يدزّ الباب و يدخل على الشبكة من دون ما تكون عندو أدنى حدود التربية ويقول السّلام عليكم يا رجال (ما فهمتوش عمّار على آناهم رجال يحكي هنا..برّا بركه) ولاّ يقدّلمنا روحو كيما أولاد العائلات...وكان لزم يستظهر بوثيقة هويّة كان سيادتو نسى ما حجّمش (لحيتو) وناوي يطلّ على إخوانو "عباد اللّه الصّالحين"... ولاّ زادا كان سيادتو نسى ما حجّمش (شعرو) ولابس مريول عليه تصويرة هاكلّي حاسبينو مناضل، تي آش سمو هوا...هاك الطبيب المريض بالفدّة ونهار كامل ينبّغ... ...كيفاش، ماسمعتكش يا سخطة، حلّ فمّك مليح !!! آيواه هذاكا هو، الشيخ الغفّاره...
إيه عادا قلت باش نتجنبوا هذا الكلّ ، نحطّوا واحد في الباب ينظم العمليّة تفاديا لما لا يحمد عقباه من الإفرازات غير المرغوب فيها (من مقالات و تقارير و أنباء و أشياء تعصم الكرش قبل ما تجرّي الجوف!) على الشبكة متاعنا !!!
"لوجيستيكيّا" العمليّة بسيطة ياسر و كل ما تتطلبو هو أنو الحريف ولاّ الحريفة يسجّل إسمو و لقّبو و رقم "بلاكة التخريف البنفسجية" متاعو عند السيّد اللّي شادِلّنا باب الحانوت اللّي بدوْرو يمكنو من كلمة سرّ مشخصنة تخولّوا النفاذ إلى عالم "الإر-ترنات" الفسيح في كامل الأمان و الشفافية.
و نزيدكم زيادة باش المستعمل الكريم ما يغرقش من كثر الإبحار والغطس و التمخوير نوصّيو عليه فرقنا الضفدعيّة المختصة واللي تلقّات تدريبات عالية و مكثّفة على أيدي جماعة "الزبالة البنفسجية للإر.ترنات" قبل ما نسيبّوه يعوم بحرو
هاوكا "الجران" يحطوا عينيهم عليه (من بعيد لبعيد) ويردّوا بالهم عليه فين دخل و فين خرج (ديما من بعيد لبعيد)...يمشيش العزا يضيّع البوصلة و ماعادش يعرف راسو من ساقيه.
هاوكا "الجران" يحطوا عينيهم عليه (من بعيد لبعيد) ويردّوا بالهم عليه فين دخل و فين خرج (ديما من بعيد لبعيد)...يمشيش العزا يضيّع البوصلة و ماعادش يعرف راسو من ساقيه.
آش رايكم ، ساهل ياسر، بسيط برشة و فعّال جدّا جدّا.
حاجة أخرى هايلة ياسر في البرنامج هذا هو وقت اللّي يطيح عندنا الصّرف نجمّوا نمشوا نطلّوا على أصحاب الحوانت متاع الإر.ترنات" ونثبتوا من حجم الآفاريات متاعهم ونقارنوها بالأرقام الموجودة على العدّاد متاعنا. وإذا طلع مولى الحانوت يحب يلعبها مهفّ و يمررلنا في معلومات مضروبة باش يفصع مـ"الفيسك" ، نهبطوا على مذهب بوه بـ"رودراسّمون" صحيح ومن الوزن الثقيل، نجيبوا دين أمّو "مادّ الأربعة"..! باش يتعلّم ينحّي التفليم وينقصّ مالتعقريب ويولّي يساهم كيف وخيّانو "المطبطبين الكلّ في دوران العجلة الاقتصادية في ربوع بلاد البنفسج.
."مقتطف من خطاب عمّار في الإجتماع الأخير لخليّة الطهّارة في "الزبالة البنفسجية للإر.ترنات".
هذا وقد علمنا من مصادر "مُنزلعة" أن القرار دخل حيز التنفيذ منذ العيد الصّغير (كي العادة باش يغطّونا و ياكلونا بالهفّ !) بعد أن تمّ التصويت عليه بالإجماع (الله لا يقطعلنا عادة) !
من بلاد البنفسج حدّثكم ولد الفكرونة.
نشر لأول مرّة هنا.
السبت، 25 أكتوبر 2008
Deux Semaines bien tristes pour la blogosphere Tunisienne ,Ammar a de nouveau frappe et a censure les blogs du journaiste tunisien et farda ww l9at O5tha .La disparition de deux autres blogs reste mysterieuse stupeur et khil w lil n existent plus.
الثلاثاء، 21 أكتوبر 2008
البارح بعد ما كتبت تدوينة صغيرة على الفساد في البلاد و دعيت الحقوقيين باش يرفعوا قضية بكل المتورطين في الرشوة و السرقة و بعد ما نشرتها بسويعة كلمت اصدقائي باش يطلعوا عليها و يعطوني رايهم و تعليقاتهم قالولي راهي مدونتك مسكرة و ما انجموش ندخلولها كان بالبروكسي و ه الامر المشين في الحقيقة غششني برشا و بما اني مواطن صالح ما مشيتش نكتب في بيانات التنديد بالحكومة و الوزراء بل مشيت لدليل الهاتف و طلبت البرطابل متع سي محمد بن عامر المسؤول الاول على الانترنت في بلادنا الى نحبوها و نغيرو عليها، طلبتو باش نستفسر من الحكاية. الحاصيلو ما انطولش عليكم بمجرد ما رن التليفون متاعو و عرف الموضوع قالي علق انت مواطن مزمر هاني تو نطلبك انا من تليفون الخدمة و كيما تعرفو الكل تليفون الخدمة رزق البيليك ما فيها باس يطلبني منو. و كي طلبني دار بيناتنا ه الحوار هاني باش ننقلهولكم بكل امانة.
- الساخر: يا سي محمد سامحني راني منيش فاهم علاش حجبتولي المدونة متاعي ياخي انا اش قلت فيها ماهو حديث متع الناس الكل و انا حبيت انبلغ ما نسمع فيه للمسؤولين الكبار و ربما رئيس الدولة بيدو يقراه و ياخذ فيه قرارات باهية. انا ما كتبتش على الارهاب و الا دعيت للمظاهرات ضد الفساد و المفسدين.
سي محمد: صدقني يا خويا الساخر الوكالة متاعنا ما عندها حتى دخل احنا ما انسنصرو كان مواقع السكس لانها تتنافى مع اخلاقنا الاسلامية اما حكاية المدونات و المواقع الاخرى المحجوبة راهو موش منا احنا.
- الساخر: زعمة تكونش من الكونكسيون ضعيفة و برا و كان تظهر من الكونكسيون قولولنا خلينا بكلنا نبدل التدفق العالي متع 2 ميقا و الخليف على الله.
- سي محمد: لا يا الساخر موش مشكل كونكسيون احنا بلادنا لو قارنها بالجيران متقدمين برشا و قاعدين نطوروا في خدمات الانترنت و قريبا باش يولي كل بيت فيه انترنت.
- الساخر: تو بربي يا سي محمد انا اشنوة دخلي انتم قاعدين تخدموا و الا راقدين و اش نعملو بالانترنت في كل بيت و المدونات الى تقول في الحقيقة مسكرينهم ياخي تحبوا تاخذوا الفلوس و برا هذا راهو عيب و ما يجيش كي ما تحبوش التوانسا يبحروا في الانترنت علاش تعملو في الاشهار النهار الكل و علاش تونس تحتضن في قمة المعلومات و علاش تنخرطوا في العولمة.
- سي محمد: بالله خويا الساخر ما تتغششش هاني باش انفهمك في القصة الكل و خليه الكلام بيناتنا.
- الساخر: اتهنا سرك في بير
- سي محمد: احنا في الوكالة مسؤولين على نشر الثقافة الرقمية و موش من صالحنا حجب المواقع و المدونات بالعكس يا الساخر انا و الله ما نرقد اليل الاما نقرا تونس نيوز و موقع النهضة و جريدة البوكت و متع نجيب الشابي و مجلة كلمة قبل ما يسنصروها وبيديت نعمل في كيف على التدوينات متعك و راني انا بيدي كيف التوانسا الكل كي يقصوا عليا ندبر بروكسي ندخل بيه و ديما ماشيا.
- الساخر: تو انت اثبتلي انك متعاطف مع قضيتي اما ما قتليش اشكون يسنصر في المدونات راني باش نعمل كي زياد الهاني و هاك المحامي الكريشي و نرفع قضية و ما نحبش نحرجك انت نحب نعرف منهو بالضبط القاعد يحجب في المدونات.
- سي ع محمد: يا ساخر احمد ربي انت حجبولك مدونتك امالا اش تقول على المدونات الى مسحوها مرا وحدة مسكينة ام زياد و الله كاني ماتلها ولدها يبعد عليه الشر كي قصولهم كلمة و المدونة متع الفوراتي و خالد الكريشي و غيرهم بالمئات ، انا نحبك تقتنع انو احنا خاطين اما هاني باش انقلك سر اخر و احفظوا
- الساخر: اتهنا سي محمد
- سي محمد: عامين التالي جابو لوجيسيال من اسرائيل مهمتو مراقبة المدونات و حجبها و أي مدونة ما تعجبش سياسة الدولة يقع حجبها او محوها .
- الساخر: تو انت سي عادل ديما تتحدث على المجهول اشكون بالضبط هاذا الى قاعد يحجب.
- سي محمد: خلينا بربي خويا الساخر انا راني صباب ماء على اليدين ما تقولش عادل قعلول تحل في الحديث هذي راهي اسرار كبيرة متع امن الدولة اخطاني خويا خليني ناكل خبزة مع من كلا انا منيش مستعد نتشرد.
- الساخر: يا خي انا اش قلت باهي موش مشكل ما تقليش اشكون هاني عرفت تو اما موش لو كان اللوجيسيال الى دفعوا فيه رزة فلوس مشاو عملو بيها مشاريع خليها العباد تخدم خير خايفين من الكلام يا رسول الله. انا هاني ماشي نشكي للرئيس بيدو انتوما ماعادش توكلو الخبز ما بيدكم شي و سامحني خويا محمد على الازعاج انا راني منرفز برشا على المدونة متاعي و بارك الله فيك انت كي سمعتني و طلبتني من عندك.
- سي محمد: لا موش مشكل سي الساخر انت باين فيك انسان متربي و احنا ديما في خدمة المواطن اطلبني في أي وقت نجاوب خويا.
علقت التليفون و انا محتار و حاير في امر البشرية كيفاش سيبوا مشاكل البلاد و يتبعوا فينا على جرد مدونة.
و لنا عودة
* الحوار مع مدير الوكالة افتراضي
نقلا عن مدونة الساخر
http://tounes2008.blogspot.com
/
الاثنين، 20 أكتوبر 2008
السبت، 18 أكتوبر 2008
الاثنين، 13 أكتوبر 2008
المرصد التونسي للحقوق والحريات النقابية
البريد الالكتروني marced.nakabi@gmail.com :
بيان تضامني مع هيئة تحرير الفضاء النقابي الديمقراطي – ضد التجريد
يعبر المرصد التونسي للحقوق والحريات النقابية عن تضامنه المطلق و اللامشروط مع هيئة تحرير الفضاء النقابي الديمقراطي ضد التجريد وذلك بعد حجب موقعها على شبكة الانترنت وهو يضع كل فضاءاته الالكترونية تحت تصرف هيئة تحرير الفضاء النقابي الديمقراطي لتنشر فيها كل مواقفها ومقالاتها بكل حرية . ويدعو المرصد كل هيئات ومنظمات المجتمع المدني مساندة هذا الفضاء النقابي المستقل والتصدي لسياسة حجب المواقع الالكترونية والمدونات وذلك من اجل تكريس فعلي لحرية الإعلام والتعبير.
المرصد فضاء نقابي ديمقراطي مستقل وهو مفتوح لجميع النقابيين بدون استثناء وهو ليس نقابة ولا مشروع نقابة ويمكن التواصل مع المرصد من خلال العناوين التالية :
عن المرصد
المنسق
محمد العيادي
الأحد، 12 أكتوبر 2008
بيان هيئة تحرير الفضاء النقابي الديمقراطي ضدّ التجريد
حول حجب موقعه الإلكتروني على صفحات mylivepage
أقدمت السلطة وأجهزتها على حجب موقع الفضاء النقابي الديمقراطي ضدّ التجريد وعنوانه :
http://contre- tajrid.mylivepag e.com
وذلك ليلة 08 أكتوبر 2008 . وتعذر بذلك زيارة الموقع انطلاقا من تونس.
ويتنزل ذلك الإجراء الزجري والعقابي في إطار حملة منظمة استهدفت عديد المواقع والمدونات في محاولة يائسة للتضييق على حرية الإبحار وخنق حرية التعبير ومصادرة الخبر والمعلومة والكتابات الجادة والتي ترفض أن تكون ضمن أقلام الديكور. وما غلق مواقع مجرات سابقا وفايس بوك وكلمة في المدّة الأخيرة وغيرها إلا دليل على ذلك.
لقد تأسس الفضاء النقابي الديمقراطي ضدّ التجريد صلب الإتحاد العام التونسي للشغل في 23 جويلية 2007 بداية على موقع المجموعة على صفحات ياهو تحت العنوان التالي:
http://fr.groups. yahoo.com/ group/contre_ tajrid
تحت شعار الأرضية التالية:
ضد التجريد فضاء نقابي ديمقراطي للتنسيق والتشاور وتبادل المقترحات من أجل تطوير النضال النقابي وتكريس ديمقراطية العمل النقابي واستقلاليته صلب الإتحاد العام التونسي للشغل وتفعيل التصدي للخط البيروقراطي ولعملية تجريد النقابيين المنتخبين
واحتضن كتابات النقابيين الديمقراطيين وأصبح بسرعة منبرا للقوى النقابية الديمقراطية سواء كان ذلك في تونس أو على المستوى المغاربي. ويبلغ عدد المشاركين في مجموعته على صفحات ياهو 1036 . ومن خلال هذا الفضاء خاض النقابيون العديد من معاركهم ضدّ التعسفات التي تلحق برفاقهم من طرف السلطة والإدارة حيث شكّل الفضاء همزة اتصال هامة مكنتهم من الحصول على المعلومة بسرعة والتنسيق في التصدي لانتهاكات الحق النقابي وكذلك التصدي لتجريد النقابيين.
كما ساهم الفضاء في دعم صمود الأساتذة الثلاث المطرودين عمدا خلال إضراب الجوع البطولي الذي قاموا به طيلة 39 يوما دفاعا عن حقهم في الرجوع للعمل من خلال تقديم الإعلام اليومي حول الإضراب ومواكبة تحركات المساندة وزيارة وفد من هيئة تحرير الفضاء للمضربين...
وانخرط الفضاء النقابي الديمقراطي في تقديم الدعم لقضية أهالينا في الحوض المنجمي من خلال انحيازه لهم والدعاية والتعريف بوضعهم وما تعرضوا له من قمع وانتهاكات ...
وهو ما ساهم في تعرضه إلى سخط السلطة ولعدائها التي لم يرق لها الخط الذي سار عليه الفضاء النقابي الديمقراطي.
وموقع ضدّ التجريد على صفحات mylivepage وإن كان قد تأسس منذ سبتمبر 2007 إلا أنه بدأ تحيينه فقط منذ بداية شهر جويلية 2008 أي منذ ما يزيد على الثلاث أشهر.
وقد تمكن هذا الموقع من نشر عديد المقالات الهامة المتنوعة (ما يناهز 50 مقالا وبيانا في مدّة لا تزيد على الثلاث أشهر) وتميز بانفتاحه على مختلف العناصر والقوى الديمقراطية التقدمية.
ومن آخر ما قام بنشره مجموعة صور للشهيد هشام علايمي شهيد الحوض المنجمي في شكل Slide كشاهد على بشاعة اغتياله .... كلّ ذلك دفع بالسلطة لغلق الموقع في محاولة لمنعه من القيام برسالته الإعلامية وواجبه النضالي.
للتضامن مع موقع الفضاء النقابي الديمقراطي ضدّ التجريد يمكنكم ارسال رسالة إلكترونية إلى العنوان التالي:
Contre_tajrid@ yahoo.fr موضوعها مساندة من أجل إعادة فتح موقع الفضاء النقابي ضدّ التجريد
- لا لسياسة حجب المواقع الإلكترونية والمدونات .
- معا من أجل حرية التعبير وحرية الإعلام .
لزيارة الموقع المغلق http://contre- tajrid.mylivepag e.com يمكنكم الدخول عبر العنوان الإحتياطي التالي:
http://contre- tajrid.fr. tc
أو عن طريق استعمال بروكسي سجلوا ملاحظاتكم التضامنية على صفحات الموقع
هيئة تحرير الفضاء النقابي الديمقراطي ضدّ التجريد
المصدر : الفضاء النقابي الديمقراطي ضدّ التجريد
الاشتراك في:
الرسائل (Atom)
