الثلاثاء، 16 سبتمبر، 2008

مقال في الصباح في سياق تبرير الرقابة السياسية على موقع يوتيوب؟

http://www.anticensuretounes.blogspot.com
ما عنديش برشة وقت بش نعلق على المقال هذاية إلي خرج اليوم في الصباح... كنت تحدثت على بوادر قيام يوتيوب بعملية حجب ذاتي و الجدال إلي صاير في أمريكا حول الموضوع هنا... الحاجة إلي يظهرلي يلزم تكون واضحة هو: أولا كيفما قلت قبل فمة صراع في أمريكا علني... عمار الامريكاني ما ينجم يعمل شي تحت حس مش.. و هذاكة في حد ذاتو يخليه هو نفسو في الرقابة... ثانيا، و الأهم، أنو الأساس إلي تمن عليه المنع في يوتيوب مش سياسي فحسب بل أساسا العنف... مشاهد العنف مش التعبير عن الموقف السياسي هو إلي خلى يوتيوب تاخذ الموقف هذا إلي هو يقعد موقف مثير للجدل و بش يصير عليه برشة عرعور...

محاولة تبرير ممارسات عمار التونسي من خلال مقارنتها بالوضعية الأمريكية يبدو فعلا مبالغ فيه برشة...



هناك تعليقان (2):

Werewolf يقول...

تي هاو بالخطار كان ما يطلعش كمال بن يونس سرق الخبر من عندك أو خلينا نقولوا استوحى فكرة المقال... على كل نوجهلو تحية مادامنا في سيدي رمضان و بما أنّو وفيّ للمدونة

Bachbouch يقول...

المقال في جريدة الصباح رديء و الصّحافي إّي كتبو ما عندو حتّى دراية بلّي صاير.